ye tasallee hai ki hain naashaad sab

ye tasallee hai ki hain naashaad sab 
main akela hee nahin barabaad sab 

sabakee khaatir hain yahaan sab ajanabee 
aur kahane ko hain ghar aabaad sab 

bhoolake sab ranjishen sab ek hain 
main bataoon, sabako hoga yaad sab 

sabako daava-e-vafa, sabako yaqeen 
is adaakaaree mein hain ustaad sab 

shahar ke haakim ka ye faramaan hai 
qaid mein kahalaayenge aazaad sab 

chaar lafjon mein kaho jo bhee kaho 
usako kab furasat sune fariyaad sab 

talkhiyaan kaise na hon ashaar mein 
ham pe jo guzaree hamen hai yaad sab

vo firaaq aur vo visaal kahaan 

    vo shab-o-roz-o-maah-o-saal kahaan 

fursate kaarobaare shauq kise

 zauqe nazzaara-e-jamaal kahaan 

dil to dil vo dimaag bhee na raha

 shore sauda-e-khatt-o-khaal kahaan

 

thee vo ik shakhs ke tasavvur se 

ab vo raanaee-e-khyaal kahaan 

aisa aasaan nahin lahoo rona

 dil mein taaqat jigar mein haal kahaan 

hamase chhoota qimaarakhaan-e-ishq vaan

jo jaen girah mein maal kahaan 

fikre duniya mein sar khapaata hoon 

main kahaan aur ye bavaal kahaan 

muzamahil ho gae kuva, gaalib 

vo anaasir mein etidaal kahaan